《是咁的，今晚的軟飯是最後一次了。》
【whatsapp】
「聽日訂左位放工食西班牙菜，唔好唔記得！」
「好。食埋今次暫時休息下！近排好累...」
「...我仲訂左下星期食神戶牛同河豚！真係唔去？咁我同呀媽去傢啦！」
「（神戶牛！河豚！好吸引...）你同伯母食得開心啲啦
」
」-----------------------------------------------------------------------------
大家可能仲未好熟悉女前輩
講少少背景先
女前輩芳齡30後半，戴眼鏡，有時唔戴
身材嬌小玲瓏，行為舉止有如10多歲少女般天真可愛
大阪腔甚濃，講嘢有少少口窒，慌慌張張咁，十足十卡通人物一樣
精通英文法文，興趣係去旅行，尤其是法國
據悉以前好似同一位法國人有過一段感情
拋棄高薪厚職，跟埋去法國，差一步就結婚
但最後不敵思鄉之情，忍痛分手
返到嚟日本，入咗而家呢間公司
人工低左一大截
-----------------------------------------------------------------------------
我入呢間公司頭半年個時
同其他同事都冇太多交集
可能因為而家公司絕大部份人都係三十幾歲以上
我淨係每日lunch同廢老食飯
同女前輩只有工作上的交流
工作上接觸得最多嘅就係廢老、女前輩同埋部長
莫講話私底下聯絡，職場上連閑話也不會多說
然而有一天星期五，女前輩突然間偷偷對我說
「木耳san，聽日得唔得閒，不如一齊去食午餐？我另外兩個朋友都會黎！」
我嗰陣時喺日本冇好多朋友
放假通常都冇嘢做
所以就應承咗佢
佢問我有冇用WhatsApp
原來佢識好多外國朋友所以有用WhatsApp嘅習慣
之後我哋就交換左聯絡方式
咁當日亦都只不過係一餐好普通的Lunch
四個人一路食一路傾偈
我當識多兩個朋友咁
但自從嗰日之後
女前輩每一日都會WhatsApp我
每個星期週末都會約我去玩(當然我唔會每星期都應約啦）
我頓時感到有一點受寵若驚
-----------------------------------------------------------------------------
漸漸地，女前輩對我的稱呼從「木耳san」變成「木耳君」
然而，佢係公司的人面前總會叫我「木耳san」
只有私底下與我見面與whatsapp時,才會稱呼我為「木耳君」
大概四個月前開始
受到武肺疫情影響，日本政府推出多項振興經濟政策
其中一個政策，叫做 go to eat
顧名思義，政府會出錢資助市民出街食飯
例如你兩個人出街食6000円
政府會以積分回贈方式資助返你2000至6000円不等（視乎時期及地區）
女前輩非常善用呢一個政策
自己大量預約多間餐廳
又不斷同我講政府俾錢唔係唔用盡呀嘛
游說我同佢一齊去
佢解釋一餐飯¥7000
有¥6000積分回贈
即係一人比500（35港紙）就得
我心諗有冇咁大隻蛤乸隨街跳？
但正所謂
好漢不吃眼前虧
有食唔食罪大惡極
能不去嗎？
就係咁，我的軟飯生活就此展開
-----------------------------------------------------------------------------
有一晚
佢無啦啦send左成張list黎
話已經book咗四間餐廳
預咗同我去食
我仲記得
第一餐軟飯係懷石料理
佢話，兩個人¥7200，政府補貼$6000
即係一人先比¥600，好抵
餐飯好好味，我食得好滿足
亦好高興從前輩口中聽到好多不為人知的公司秘密
我也盡情的發洩了我對公司的不滿
但我心中仍然有一絲難以說明的違和感...
食完飯，我問了一句
「你book咗咁多間餐廳，我每一次都要去？」
前輩望著我，點一點頭
我流露出困惑的表情...
心想（雖然我好得閒...但...咁樣...真係無問題...？）
女前輩好似察覺到我嘅內心，打蛇隨棍上
「你諗吓啦，幾百Yen就食到咁多嘢喎，唔係唔去呀嘛」
聽了這一句，貪小便宜的我屈服了
「好吧...」
埋單時，店員講咗一句盛惠¥7200
前輩比左張信用卡佢
我心諗（唔係應該減¥6000咩？點解係¥7200嘅？）
佢之後問我拎左¥600
我默默地比左，無向佢提出內心嘅疑問
點解？唔知...可能因為我唔想比¥3600...
可能因為我唔想當面篤爆佢...我唔知...
回家路上，木耳一直在思考
（點解要同我兩個人撐枱腳？）
（點解要誤導我，搞到我以為真係一人¥600）
木耳並不笨，他風趣、幽默、靚仔、精通多國語言、滿身肌肉、工作能幹
有女仔傾情於佢，並不是一件出奇的事
然而女前輩？是當自己細佬愛錫？還是...？
木耳不知道，也可能是放棄了思考。
（有免費飯食，諗咁多做咩？）
沒錯，木耳是個仆街
事後我先知，頭幾餐係要自己俾晒，約一個月後政府會回贈啲積分去你個戶口，然後你可以用嗰啲積分再去訂位食飯。
相信大家都估到女前輩嘅計劃係咩。頭嗰幾餐佢俾晒，之後積分入咗佢戶口，佢就用啲積分請我食飯。由頭到尾都係佢俾晒。當然係嗰陣時我仲未領略到佢嘅計劃。
-----------------------------------------------------------------------------
好多人問我對女前輩係點睇
平時follow開我嘅就知
我從來無講過前輩嘅壞話
因為佢真係對我好好
而且佢係真心欣賞我、關心我
好但老實講我冇將佢當成戀愛對象看待...
但我絕對唔討厭佢！
甚至相當尊敬！
有睇我前日《三英戰呂布》嗰個post就知
佢係呢間公司工作左五年
人工幾乎冇加過，但都無出過聲
但佢為咗我當面向部長投訴
話我嘅工作表現同人工不成正比
要求加我人工
又向新人吹噓我有幾做得野
搞到新人都加入戰團幫我屌部長
佢對我嘅大恩大德真係無以為報
今日三英戰呂布 圍住部長黎屌 叫佢同社長講加人工
- 分享自 LIHKG 討論區
https://lih.kg/2310032
係日本人當中，尤其是女性
精通多國語言嘅人真係唔多
而且好似前輩咁精明能幹嘅人亦係買少見少
但佢嘅人工比我仲要低
所以我真的很替前輩不值
She deserves better...
-----------------------------------------------------------------------------
我近排過得其實幾開心
係連登開post鳩噏，有唔少支持者
又識咗一班豬朋狗友（香港人）
成日着住件香港獨立T shirt同佢地去酒吧飲酒
同前輩免費食好西，又有得影相post上飲食台呃like
真係好開心
如果咁嘅生活一直持續落去都幾好
但美好嘅生活開始出現了違和感
最近我開始察覺到前輩對我有少少唔同咗
積極左，親密左，多咗身體接觸
再次重申
木耳並不笨
佢唔似後宮動畫男主角一樣咁遲鈍
只不過可能一直以黎，佢都呃緊自己
呃自己天下真係有免費午費
以為前輩屋企係開善堂
無錯，我90%肯定前輩對我有好感，想溝我
而我，係100%唔想同前輩發展
我真心，想前輩得到幸福
而比到佢幸福嘅，一定唔會係我
所以我決定，唔再拖泥帶水，要狠心斬欖
然而佢仲book左2間餐廳
突然間話唔去又好似唔係咁好
所以我上次個間泰國餐廳同佢講
「今餐我地AA啦，次次都你請唔係咁好」
「唔使啦，我都係用積分，同免費無分別」
我手上嘅¥3000被來回推撞了數十次
最後前輩只同意收我¥1000
（我真的努力了...不要怪我...）
個次嘅失敗，令我覺醒
要斬纜，就要狠下決心，採取強硬手段！
因為我只有最後一次機會！（西班牙菜）
-----------------------------------------------------------------------------
【whatsapp】
「聽日訂左位放工食西班牙菜，唔好唔記得！」
「好。食埋今次暫時休息下！近排好累...」
「...我仲訂左下星期食神戶牛同河豚！真係唔去？咁我同呀媽去傢啦！」
「（神戶牛！河豚！好吸引...）你同伯母食得開心啲啦」
」話明要斬欖，首先就係唔再同佢食飯
所以先有以上whatsapp對話
今晚一如往常，前後腳喺餐廳會合
公司啲人仲未知我哋成日一齊食晚飯
其實我唔介意俾人知，但女前輩好似有少少介意
咁突然搞到我又有少少介意...
可能就係呢種兩個人之間的秘密嘅氣氛
搞到我哋兩個人嘅關係有少少曖昧
但今日，一切都要完結了...
一如往常，我哋嘅對話都係圍繞着公司，講同事壞話，吐下苦水咁。
但今次，我要出手了。
「女前輩san（我叫開佢姓氏+san)我覺得你真係唔應該留係我地公司，以你嘅才幹，值得更好。」
「我唔得傢...我唔似木耳君咁叻...」
「我係為你好先咁講，女前輩san去其他公司，月薪搵多6、7萬絕對唔係問題...而且你年紀唔細，係時間搵番主好人家，但我地公司啲男人大部分已婚、人工又低...你都係轉工好...」
「...講呢啲...」
我個腦一直運轉，點樣暗示比佢知我地係無可能！而又唔會hurt到佢。
食完，今次我堅持要比一半
「我真心唔好意思。平時收你咁多禮物（生果、手信、零食），食你咁多餐都無比錢，最後今餐點都要比我出一半！」
但佢又堅決拒絕
「真係唔洗，個啲積分黎，我無出過錢！」
埋單個陣，佢一早用積分比左，所以直接走得。
餐飯幾錢我都唔知...2個人¥6-7000左右掛。
我一野塞左¥10000入佢個袋，然後行去廁所痾尿，唔比機會佢比番我。
但痾完尿出黎，始終都係要面對前輩，佢當然試圖比番張¥10000我，但今次到我堅決拒絕。
佢剿剿個銀包，想比番¥9000我，點知佢得¥5000。
「咁你比哂¥5000我得啦」
當然，我地嘅攻防啲持續左好一段時間。
但我今次無屈服到，成功比左¥5000。
佢「咁下次我請番」
我「好」
我心想（無下次了...）
之後我地行出餐廳，我就踩單車，佢就搭地鐵。
佢陪我行到交通燈，問我「跟住係咪去飲酒？」
佢知我同朋友星期五多數去飲通宵酒
「係，返屋企換完衫再出去飲」
「吓唔直接去？」
「...要執下個look，打扮下...」
「...你而家咪幾好？（我穿西裝）仲想點打扮...？」
「gel下頭，沖個涼，戴con都要嘅」
「......」
「...」
「執到咁靚...做咩...？」
.....
....
...
..
「可能會有靚女嘛，你知啦，識女仔易啲。」
（希望你...）
「...」
「綠燈啦，bye bye」
（搵到個好歸宿...）
「嗯...bye bye
，踩單車小心啲！」
，踩單車小心啲！」祝你幸福，女前輩
-完-
【日本社畜】最後的軟飯 高級西班牙料理
- 分享自 LIHKG 討論區
https://lih.kg/2311947
是日靚晚 懷石料理
- 分享自 LIHKG 討論區
https://lih.kg/2258939
【社畜】是豪晚 高級和食
- 分享自 LIHKG 討論區
https://lih.kg/2262845
【直播】是靚晚 扮上菜意大利大餐
- 分享自 LIHKG 討論區
https://lih.kg/2263977
【日本社畜日常】是日法國大餐
- 分享自 LIHKG 討論區
https://lih.kg/2274570
是日糞便 日本中式茶樓大餐
- 分享自 LIHKG 討論區
https://lih.kg/gnHNGS
【日本社畜】昨晚軟飯 意大利菜
- 分享自 LIHKG 討論區
https://lih.kg/2301518
是日軟飯 高級意大利菜
- 分享自 LIHKG 討論區
https://lih.kg/2291064
【日本社畜】是靚軟 高級泰國料理
- 分享自 LIHKG 討論區
https://lih.kg/2306206
- 分享自 LIHKG 討論區
https://lih.kg/2258939
【社畜】是豪晚 高級和食
- 分享自 LIHKG 討論區
https://lih.kg/2262845
【直播】是靚晚 扮上菜意大利大餐
- 分享自 LIHKG 討論區
https://lih.kg/2263977
【日本社畜日常】是日法國大餐
- 分享自 LIHKG 討論區
https://lih.kg/2274570
是日糞便 日本中式茶樓大餐
- 分享自 LIHKG 討論區
https://lih.kg/gnHNGS
【日本社畜】昨晚軟飯 意大利菜
- 分享自 LIHKG 討論區
https://lih.kg/2301518
是日軟飯 高級意大利菜
- 分享自 LIHKG 討論區
https://lih.kg/2291064
【日本社畜】是靚軟 高級泰國料理
- 分享自 LIHKG 討論區
https://lih.kg/2306206
